கரை தொடும் அலைகள் #3

‘மாதொருபாகன்’ நாவலை இதுவரை படிக்கவில்லை. இப்பொழுது வாங்கிய நூல்களில் முதல் நூலாக அதனைத் தான் படிக்கவிருக்கிறேன். இத்தகைய உந்துதலை ஏற்படுத்தும் சாதிய, கலாச்சாரப் பாதுகாவலர்களுக்கு நன்றி. Continue reading கரை தொடும் அலைகள் #3

Advertisements

கரை தொடும் அலைகள் #2

டந்த ஞாயிறு காலையில் மகஇக பொருளாளர் தோழர் சீனிவாசனின் இறுதி நிகழ்விற்கு சென்றிருந்தேன். அவ்வமைப்பிலிருந்து விலகி விட்ட போதிலும், அவர் மீதான அன்பின், மரியாதையின் காரணமாக அவரது கடைசிப் பயணத்தில் உடனிருப்பது அவசியமெனப்பட்டது. அதிகாலையில் சேத்துப்பட்டு அம்பேத்கர் திடலை சென்றடைந்ததும், அவரது உடலை வணங்கச் சென்றேன். மெலிந்து கூடாகக் கிடந்தார். பலரது நினைவில் இன்னமும் நிழலாடும் உற்சாகமான சிரிப்பும், சற்றே பூசிய உடலும் கொண்ட சீனிவாசன் அவரல்ல எனத் தோன்றியது.

கடந்த பத்தாண்டுகளுக்கும் மேலாக சீனிவாசனை நான் அறிவேன். மகஇகவில் இணைந்த துவக்க நாட்களில் ஒரு தமிழ் மக்கள் இசை விழாவில் சீனிவாசன் இட்ட சிறு சிறு வேலைகளை செய்த நாட்களிலிருந்து அவை துவங்கின. பின்னர், மே 2002 வாக்கில் ஈரோட்டில் நடைபெற்ற மே நாள் பொதுக்கூட்டத்தில் அவரும், நானும் உரையாற்றினோம். பொதுக்கூட்ட நாளுக்கு முதல் நாள் மிகவும் பொறுமையோடு எனது கன்னிப் பேச்சிற்கு உதவி செய்து என்னை உற்சாகப்படுத்தினார். “தோழர், இவர் இளைஞர் என்று சொன்னால் யாராவது நம்புவார்களா?” எனத் தோழர்களிடம் எனது உடல் பருமனை கிண்டல் செய்தார். அன்றைய நிகழ்வுகள் மங்கலாகவே நினைவிருந்த போதிலும், அவையனைத்திலும் மேவி நின்ற சீனிவாசனின் கலகலப்பான சிரிப்பும், உற்சாகமும் மறக்க முடியாதவை. பிற்காலத்தில் சீனிவாசன் நிறைய மேடைகளில் பேசவில்லையென்றாலும், அக்காலகட்டத்தில் மகஇகவின் முக்கியமான பேச்சாளர்களில் ஒருவராகத் திகழ்ந்தார். அவரது அன்றைய மே நாள் உரை (பாகம் 1, பாகம் 2) தமிழரங்கம் தளத்தில் கேட்கக் கிடைப்பது மகிழ்ச்சியளிப்பதாக உள்ளது. அனேகமாக இணையத்தில் கிடைக்கும் சீனிவாசனின் ஒரே உரை இதுவாகத் தானிருக்கும்.

Continue reading “கரை தொடும் அலைகள் #2”